Лисандро Мартинез ги разјасни своите коментари по натпреварот, нагласувајќи дека фрустрацијата поради лошите резултати произлегува од желбата Манчестер Јунајтед повторно да се бори за најголемите трофеи.
„По сè што беше кажано за моите коментари вчера, сакам да кажам како се чувствувам. По натпреварот, зборував од лутина и фрустрација затоа што не го добивме резултатот што сите го сакавме. Оние што ме познаваат знаат колку сум страствен за фудбалот, колку сум посветен и колку сакам да победувам.“
„И кога работите не одат онака како што сакаме, боли, особено кога претставувате клуб со историјата и репутацијата што ја има Манчестер Јунајтед. Моите зборови го одразуваат тоа како се чувствувам и колку сакам да го видам овој клуб како се натпреварува за најголемите трофеи. Тие високи стандарди се дел од мојот поглед на фудбалот и одговорноста што доаѓа со носењето на овој дрес.“
„Кога велам дека сакам повеќе, мислам на амбицијата што сите ја имаме како дел од овој клуб. Да продолжиме да се подобруваме, да станеме посилни и да имаме сè што ни е потребно за да се натпреваруваме на највисоко ниво. Ова се стандардите што сите мора да ги бараме од себе, почнувајќи од мене. Знам дека, пред сè, ние играчите сме тие што треба да го испорачаме и јас го преземам лавовскиот дел од таа одговорност. Мора да бараме уште повеќе од себе и да работиме заедно за да го вратиме Манчестер Јунајтед на врвот.“
„Верувам во моите соиграчи, нашиот менаџер и сите луѓе кои работат за да го однесат овој клуб напред. Убеден сум дека вистинскиот пат напред е да продолжам да работиме заедно, со амбиција и посветеност. Мојата цел е иста од првиот ден, да победувам, да се натпреварувам на највисоко ниво и да дадам сè што можам за овој грб“, објави Мартинез.
