Напаѓачот на Реал Мадрид, Килијан Мбапе, ја освои наградата „Onze d’Or“, која ја доделуваат читателите на француското списание „Onze Mondial“ на најдобриот играч во Европа во претходната сезона, објави шпански „AS“.
Мбапе го наследи сонародникот Усман Дембеле, кој ја освои оваа награда во 2025 година.
Onze Mondial истакна дека Мбапе имал извонредна сезона во која постигнал повеќе од 40 гола и дека на Светското првенство во 2026 година станал најдобар стрелец во историјата на тоа натпреварување.
🚨🚨 OFFICIEL ! Kylian MBAPPÉ 🇫🇷 REMPORTE LE ONZE D’OR 2026, trophée récompensant le meilleur joueur de la saison en Europe par les lecteurs @OnzeMondial !!! 🌟
Malgré une saison SANS LE MOINDRE TROPHÉE COLLECTIF, l’attaquant du Real Madrid a affolé les compteurs 👇
⚽️ 59 buts
🎯 12 passes décisives
🇪🇸 Meilleur buteur de Liga
🏆 Meilleur buteur de Ligue des champions
🌍 Meilleur buteur de la Coupe du mondeIl succède à Ousmane DEMBÉLÉ 🇫🇷, sacré en 2025 !
🗣️ « Je voulais remercier l’ensemble des personnes qui ont pu voter pour moi pour remporter ce trophée. Ça signifie beaucoup pour moi et le travail continue. » https://t.co/BOF3Ax8EOh
— Actu Foot (@ActuFoot_) October 19, 2026
Францускиот напаѓач во гласањето го остави зад себе дуото на Пари Сен Жермен, Жоао Невеш и Хвича Кварацхелија, кои одиграа голема улога во освојувањето на Лигата на шампионите.
Во минатото, „Onze d’Or“ честопати му припаѓал на играч кој потоа ја освоил „Златната топка“. Овогодинешното доделување на најпрестижната индивидуална награда во фудбалот ќе се одржи за седум дена во Лондон, а Мбапе се смета за еден од главните кандидати. Сепак, како што наведува AS, трката оваа година е една од најнеизвесните во последно време, со неколку вистински фаворити.
Во 2025 година, Дембеле ја освои наградата „Onze d’Or“, како и највисоките индивидуални награди од France Football и УЕФА. Една година претходно, Винисиус Жуниор ја доби наградата Onze Mondial.
Рекордер по бројот на награди „Onze d’Or“ е Лионел Меси со четири трофеи. Зинедин Зидан и Мишел Платини ја освоија по три пати, додека Кристијано Роналдо го доби ова одликување двапати.
