Килијан Мбапе се врати во врвна форма, што го докажува неговиот прекрасен гол против Бразил во четвртокот. Иако моментално е со француската репрезентација, тој не престанува да размислува за Реал Мадрид.
Пред натпреварот против Колумбија во Мериленд вечерва (21:00 часот), напаѓачот даде интервју за Téléfoot, во кое се осврна на својата улога во шпанскиот гигант и сомнежите за неговиот настап пред Светското првенство.
„Во Шпанија, малку се загрижени дека нема да играм… и дека ќе одам директно на Светското првенство“, рече ѕвездата, нагласувајќи ја својата посветеност: „Најдобриот начин да се подготвите е да освоите сè со Реал Мадрид пред тоа“.
Новата „десетка“ на Реал Мадрид и Франција, исто така, се осврна на темата за комплексноста на тоа да се биде големо лице на мадридскиот клуб.
„За луѓето во Шпанија, Реал Мадрид е како религија. Тие се многу страствени, има многу разговори и шпекулации – понекогаш со причина, но понекогаш не“, објасни тој.
„Мора да знаеш како да се справиш со критиките, бидејќи во Реал сите биле критикувани. Кристијано Роналдо, Ди Стефано… па не гледам зошто јас би бил исклучок.“
На оваа анализа, тој го додаде рецептот што го применува кај себе: „Само треба да останеш смирен, да се концентрираш на она што треба да го направиш и да си кажеш дека можеш да ги подобриш своите перформанси на теренот.“
Самиот Мбапе признава дека веќе си поставил цел кон претстојните натпревари од Лигата на шампионите. И подготвен e за сè.
„Ќе играме против Баерн, кој мислам дека е најсилниот тим во Европа во моментов, но ако има некој што може да победи таков противник, тоа е Реал Мадрид.“
Сепак, ова не е неговиот единствен фокус, бидејќи не ја заборава Барселона.
„За мене, она што доаѓа е исклучително важно бидејќи сме многу вклучени и во Лигата на шампионите и во Ла Лига.“, додаде тој во интервјуто.
