Реал Мадрид се ближи кон крајот на, благо речено, неуспешна сезона во која нема да го освои шпанското првенство, а „кралскиот клуб“ беше елиминиран и во четвртфиналето на Лигата на шампионите по двомечот со Баерн Минхен.
Јасно е дека претседателот Флорентино Перез ќе мора да направи големи промени во клубот, а веќе некое време се зборува за враќањето на португалскиот стручњак Жозе Мурињо на кормилото на Реал.
Шпанскиот новинар Серхио Валентин тврди дека дознал што човекот, кој го водеше Реал од клупата од 2010 до 2013 година, побарал од Перез, и ги навел трите услови на Португалецот за доаѓање во Мадрид. Оние кои не се предмет на преговори:
Двогодишен договор; Обраќање до јавноста исклучиво преку задолжителни прес-конференции, а темите да бидат ограничени само на спортски прашања што се однесуваат на првиот тим. Тој побарал и портпарол за други прашања; Слобода да избере кој ќе биде во неговиот тренерски штаб. Иако не смета на италијанскиот фитнес тренер Антонио Пинтус, ниту на сегашниот шеф на тренерскиот штаб Алваро Арбелоа, тој наводно нема ништо против да останат таму.
Одговорот на Перез „Ya hablaremos“ (шпански: ќе зборуваме подоцна) го разочарало Мурињо, но претседателот на Реал сега е на потег, односно пресметува дали Мурињо е вистинското решение за Реал. Сепак, малкумина би рекле дека Мурињо поставил нереални услови за неговото доаѓање, но ќе видиме дали ќе дојде на „Сантијаго Бернабеу“.
„Ел Класико“, во кое Барселона ќе биде домаќин на Реал, може да биде и математичко потврдување на титулата за тимот на Ханси Флик – и тоа против нивниот најлут ривал.
Натпреварот на „Камп Ноу“ е закажан за недела во 21 часот.
