Игор Тудор ќе ја одржи вообичаената прес-конференција за сите менаџери од Премиер лигата пред натпреварот што претстои викендот. „Скај Спортс“ и „Дејли Мирор“ објавија дека клубот им потврдил дека Хрватот ќе зборува во петок пред посетата на Тотенхем на Ливерпул во недела.
Ова значи дека Тудор нема да биде отпуштен пред натпреварот на „Енфилд“.
„Скај“ додава дека извршниот директор на „Спарс“, Винај Венкатешам, моментално е во базата на клубот, па затоа не се очекуваат радикални одлуки во врска со менаџерската функција.
Тотенхем загуби четири и прими 14 гола во првите четири натпревари на Тудор како привремен менаџер на тимот. Многумина очекуваа и бараа тој да биде отпуштен денес.
„Спарс“ моментално се само еден бод над зоната за испаѓање и пред паузата за репрезентативни натпревари имаат патување во Ливерпул, реванш со Атлетико Мадрид и домашен натпревар против еден од нивните директни конкуренти во борбата за опстанок – Нотингем Форест.
