Капитенот на Тотенхем, Кристијан Ромеро, ќе го пропушти остатокот од сезоната поради повреда на коленото, според англиските медиуми. Аргентинскиот дефанзивец веројатно ќе биде надвор од терените помеѓу шест и осум недели откако ја претрпе повредата во недела попладне за време на поразот на Спарс од Сандерленд по судирот со голманот Антонин Кински.
Ромеро ќе се стреми да биде целосно подготвен за Светското првенство во САД, Мексико и Канада, каде што „албиселесте“ ќе ја бранат својата светска титула.
Ромеро ја доби капитенската лента пред почетокот на тековната сезона, но во последните месеци беше во спор со раководството на клубот во неколку наврати поради лошите резултати.
Ова е уште еден исклучително тежок удар за Тотенхем и новиот тренер на тимот, Роберто Де Зерби, кој вчера дебитираше на чело на „петлите“ со пораз од „Црните мачки“, што го испрати тимот во зоната за испаѓање.
Во сабота ќе го пречекаат амбициозниот тим на Брајтон, кој сè уште сонува за учество на европските турнири следната година.
