Белгиската фудбалска асоцијација ќе го назначи Марк ван Бомел за нов селектор на репрезентацијата, објавија локалните медиуми. Поранешниот холандски репрезентативец ќе го преземе кормилото на репрезентацијата и ќе го наследи Руди Гарсија штом ќе бидат договорени последните детали од договорот.
Се очекува на новиот тренер да му биде понудена соработка до јуни 2028 година.
Ван Бомел остави зад себе богата играчка кариера во која ги носеше дресовите на гиганти како ПСВ, Барселона, Баерн и Милан.
Покрај повеќе од 500 одиграни клупски натпревари, тој има и повеќе од 40 настапи за репрезентацијата на својата земја.
Најсветлиот момент во неговата тренерска кариера беше на клупата на Антверпен, со кого ја освои двојната круна во сезоната 2022/23.
Со тоа, тој му ја донесе на Антверпен првата титула во белгиското првенство по долги 66 години чекање.
Патем, Белгијците беа единствената екипа што постигна гол против Шпанија на последното Светско првенство, но сепак беа елиминирани во четвртфиналето со пораз од 2:1.
