Селекторот на Србија, Вељко Пауновиќ, изјави дека поразот од Мексико со 1:5 и грешките што ги направија неговите играчи се лекции што мора да се научат.
Србија се посрамоти во два пријателски натпревари, против Капе Верде и Мексико – беа поразени со вкупен резултат 1:8.
Против Мексико, дури во првиот дел од првото полувреме изгледаа како тим кој знае што сака и како да го добие натпреварот. Сè што се случи потоа беше причина за длабока загриженост.
„Пред се, сакам да ја нагласам посветеноста на сите момци кои дојдоа на ова патување, кое воопшто не беше лесно. Мислам дека во првото полувреме тимот имаше фантастична енергија, многу добро ги контролиравме настаните и поведовме, и постигнавме многу убав гол. Бев среќен затоа што момците ја претворија својата напорна работа и труд во гол, што е добро за нас бидејќи во последно време не постигнуваме голови на гостувања. Израмнувањето дојде благодарение на нив, но вториот гол што дојде непосредно пред крајот на полувремето, за кој бевме самите виновни, ни ја отежна работата многу. Беше многу тешко за момците, но тоа се случува“, беа првите впечатоци на Пауновиќ по дебаклот.
Српскиот тренер, како што рече, е „разочаран од околностите што ја придружуваа оваа репрезентативна акција“.
„Без оглед на резултатот, мислам дека момците дадоа сè од себе во овој момент, примивме голови од неизнудени грешки, самите бевме виновни за два, мораше подобро да интервенираме. Ова се лекции што треба да ги научиме, ова е млад тим кој играше заедно за прв пат. Имаше некои добри работи, но резултатот ја расипува сликата. Јуни помина со овие натпревари, имајќи ги предвид сите околности од кои лично сум многу разочаран. Сè падна врз овие момци. Од една страна, ми е мило што имаа многу добро искуство, дадоа сè од себе, ја претставија својата земја на најдобар начин без оглед на овие два резултата. Многу ми е жал што овој прозорец се потроши вака. Имаме многу работа пред нас. Лично сум многу незадоволен и ќе мора да ги поправиме работите. Веројатно е најдобро да го оставиме јуни зад нас и да го заборавиме сето ова.“
