Баерн Минхен не сака да губи време по разочарувањето во Лигата на шампионите. Германскиот шампион веќе прави планови за летниот преоден рок, а една од главните цели е крилниот напаѓач на Њукасл, Ентони Гордон.
Според „Скај Спортс“, Баерн отворил преговори со Њукасл за евентуален трансфер на 25-годишниот англиски репрезентативец. Баварците го следат Гордон од почетокот на годината, а сега го направиле првиот конкретен чекор.
Њукасл наводно е подготвен да ги слушне понудите бидејќи клубот очекува Гордон да разгледува и други опции ова лето. Англичанецот има уште четири години договор на „Сент Џејмс Парк“, а оваа сезона е најдобар стрелец на Њукасл со 18 гола.
Интересно е што агентите на Гордон се видени и во Барселона во последните денови, но според истиот извор, досега немало директен контакт помеѓу Барселона и Њукасл.
Гордон му се придружи на Њукасл од Евертон во јануари 2023 година за околу 52 милиони евра, откако претходно беше поврзуван со Арсенал и Ливерпул. Менаџерот Еди Хау неодамна изјави дека сака само целосно посветени играчи во тимот.
„Нема да користам ниту еден играч освен ако не чувствувам дека е 100 проценти посветен на клубот и својата иднина“, рече Хау.
Оваа сезона, Гордон постигна 17 гола (десет во Лигата на шампионите) и имаше пет асистенции во 46 настапи.
