Со завршувањето на последните два натпревари од плејофот, извлечени се 16-те клуба кои сè уште се во игра за Лигата на шампионите. Европската елита сега е подготвена за следната фаза, а фокусот се префрла на ждрепката што ќе ги одреди двојките од осминафиналето во петок.
Осумте најдобри клуба од лигашката фаза – Арсенал, Баерн, Ливерпул, Тотенхем, Барселона, Челси, Спортинг и Манчестер Сити – обезбедија директно пласман во осминафиналето, додека Атлетико Мадрид, Аталанта, Реал Мадрид, ПСЖ, Галатасарај, Њукасл Јунајтед, Бодо Глимт и Баер Леверкузен се квалификуваа во плејофот.
Клубовите се спарени врз основа на нивните позиции на крајот од лигашката фаза за да формираат четири парови со носители (клубови рангирани на 1 и 2, 3 и 4, 5 и 6, 7 и 8).
Ждрепката за осминафиналето на Лигата на шампионите ќе се одржи во петок, 27 февруари во Нион во 12:00 часот.
Можни парови:
ПСЖ – Барселона или Челси
Галатасарај – Ливерпул или Тотенхем
Реал Мадрид – Спортинг или Манчестер Сити
Аталанта – Арсенал или Баерн Минхен
Њукасл Јунајтед – Челси или Барселона
Атлетико Мадрид – Тотенхем или Ливерпул
Бодо/Глимт – Манчестер Сити или Спортинг
Баер Леверкузен – Баерн Минхен или Арсенал
Првите натпревари од осминафиналето се закажани за 10 и 11 март, а реваншите на 17 и 18 март.
