Преговорите меѓу Баерн Минхен и Мануел Нојер за евентуалното останување на голманот продолжуваат. 40-годишниот Германец има договор до крајот на сезоната, но двете страни се заинтересирани да го продолжат. Во врска со ова, агентот на капитенот Томас Крот вчера беше во канцеларијата на баварскиот клуб.
Информациите за преговорите ги потврди и спортскиот директор на Баерн, Кристоф Фројнд.
„Секако дека разговараме. Сезоната е речиси завршена, па затоа разговараме. Во добри разговори сме, но сè уште не сме во фаза кога можеме да дадеме официјално соопштение“, рече тој денес.
Во оваа фаза, 22-годишниот Јонас Урбиг e единствена алтернатива на Нојер. Сепак, резервниот голман добива сè повеќе шанси, откако досега одигра 18 натпревари оваа сезона. Тој дури ќе започне и против Хајденхајм денеска.
„Кога доаѓате тука како млад голман како Јонас Урбиг и имате можност да работите со овој тим тренери и други голмани, тоа е нешто посебно“, рече Фројнд за него.
„Она што е импресивно е како се однесуваат едни кон други. Можете да видите дека има многу добра атмосфера. Ману го носи своето искуство и покажува одлични настапи. Јонас го користи тоа. Секој знае дека кога некој како Ману означува ера, голем предизвик е да го наследите.“, додаде тој.
