Реал Мадрид дефинитивно ја заврши сезоната без трофеј синоќа. Со поразот од Барселона, ја изгубија трката во Примера, а наредните недели главно ќе се фокусираат на исходот од назначувањето на нов тренер.
Алваро Арбелоа докажа дека не може да спречи катастрофа, а двајцата главни кандидати за клупата се Жозе Мурињо и Дидие Дешан. Името на Мурињо е на маса веќе некое време, сите медиуми нагласуваат дека претседателот Флорентино Перез е за таа опција, но тој сè уште не направил конкретен потег. Се чека и Бенфика, како и исходот во португалската лига, бидејќи Мурињо сè уште има амбиција да игра во Лигата на шампионите со „орлите“.
„Луѓето постојано зборуваат за Реал Мадрид, а искрено, јас продолжувам да ја избегнувам темата. Немам никаков договор со претседателот, ниту со ниту еден функционер на Реал Мадрид. На крајот од сезоната не разговарам со никого и нема да го правам тоа додека не заврши сезоната. После тоа, прво ќе разговарам со оној што е потребен. Дотогаш, сè што се пишува е само шпекулација“, рече Мурињо.
Додека „Специјалниот“ е на врвот на листата, „Ел Мундо Депортиво“ има потврда дека Дешан е План „Б“. Селекторот на Франција на Мундијалот во САД, Канада и Мексико ја завршува својата долга мисија на клупата на Франција и ќе биде слободен. Ќе го наследи Зинедин Зидан, а како што се забележува, токму поранешниот ас и тренер на Реал Мадрид му ја даде најдобрата препорака на Перез за Дешан.
Се верува дека Дешан би можел да ја врати стабилноста и атмосферата меѓу играчите и да донесе трофеи.
