Бразилскиот фудбалер Габриел Мартинели го напушти Арсенал и се приклучи на Ал-Хилал од Саудиска Арабија за 65 милиони евра, објави лондонскиот клуб. Ова е најголемата продажба во историјата на „топџиите“.
Мартинели (25) го напушти Арсенал по седум години. Тој пристигна во Лондон од Итуано, клуб од пониските редови на бразилскиот фудбал.
He chose Blue 💙 pic.twitter.com/DqGwvrCipX
— AlHilal Saudi Club (@Alhilal_EN) September 3, 2026
Одигра 278 натпревари за Арсенал, постигнувајќи 62 гола и запишувајќи 32 асистенции. Со „топџиите“ ја освои Премиер лигата, ФА Купот и Комјунити Шилд.
Доаѓањето на Христос Цолис, заедно со Еберечи Езе и Нони Мадуеке во тимот, влијаеше на заминувањето на Мартинели, како и на Леандро Тросар, кој неколку недели претходно се пресели во турски Бешикташ.
Најскапата продажба на Арсенал досега беше трансферот на Алекс Окслејд-Чемберлен во Ливерпул за 38 милиони евра.
Samba in Blue 🎶💙 pic.twitter.com/RlTHpCo0Ck
— AlHilal Saudi Club (@Alhilal_EN) September 3, 2026
Лондонскиот клуб потроши повеќе од 200 милиони евра за време на летниот преоден рок, додека пред трансферот на Мартинели, тие заработија 46 милиони евра од продажбата на Тросар, Јакуб Кивор и Кристијан Нергор.
Доаѓањето на бразилскиот интернационалец е воедно и вториот најскап трансфер во историјата на Ал-Хилал, по оној на Нејмар.
