По девет години, во кои освои сè што може да се освои, Енди Робертсон го напушти Ливерпул. Како што стојат работите, Шкотланѓанецот ќе ја продолжи кариерата во Тотенхем.
Тотенхем беше заинтересиран да го доведе Енди Робертсон во зимскиот преоден рок, но Шкотланѓанецот не беше подготвен да се збогува со „Енфилд“ во тој момент.
Сега сè е решено. Робертсон брзо постигнал договор за личните услови со Спарс, кои се спасија од испаѓање од Премиер лигата во последното коло, а сè друго беше завршено набргу потоа.
Беше закажан и медицински преглед, па потпишувањето на договорот остана само формалност.
Се очекува Робертсон да се појави на Светското првенство со Шкотска и логично беше дека ќе сака да го реши прашањето за продолжување на кариерата пред да замине со репрезентацијата.
Секако, се чека официјална потврда од Тотенхем.
