Мохамед Салах најверојатно ќе остане во Европа следната сезона, и покрај привлечните понуди од Саудиска Арабија. Напаѓачот ќе го напушти Ливерпул, а неговиот најверојатен следен клуб е Фенербахче.
Според информациите од „А Спорт“, претставници на турскиот гигант веќе се во преговори со Салах. Страните имале два состанока, а трет бил планиран за деновите по дербито помеѓу Фенербахче и Галатасарај, но тој не успеал поради претседателските избори во турскиот клуб.
Египќанецот сака 20 милиони евра годишна плата за да потпише со Фенербахче. Ова го откри потпретседателот на истанбулскиот тим Ертан Торуногулари.
Салах (33) се повреди во победата од 3-1 над Кристал Палас и се сметаше дека го одиграл својот последен натпревар за Ливерпул, но според последните извештаи, тој ќе се врати на теренот на крајот од сезоната.
Египќанецот ќе го напушти „Енфилд“ како трет најдобар стрелец на тимот на сите времиња.
