По триумфот на Светското првенство, шпанската репрезентација се искачи на врвот на ранг-листата на ФИФА. „Фуријата“ го симна од тронот претходниот лидер Аргентина, кој го победи со 1:0 во финалниот натпревар од Светското првенство во 2026 година.
Иако рангирањето сè уште не е официјално објавено, пресметките врз основа на сите 104 натпревари на турнирот покажуваат значителни промени на врвот. Шпанците сега имаат 1995,88 поени, додека Аргентинците остануваат на втората позиција со 1970,37 поени.
Третото место на рангирањето го зазема Франција со 1948,97 поени. Веднаш по „петлите“ е освојувачот на бронзениот медал на Светското првенство – Англија, кои „собраа“ 1922,83 поени. Првата петорка ја комплетира бразилската репрезентација со 1804,92 поени.
Во првите 10 на ранг-листата се наоѓаат и репрезентациите на Мароко, Португалија, Белгија, Холандија и Мексико.
