Младиот бисер на Барселона, Ламин Јамал, јавно ја критикуваше тактиката на Диего Симеоне пред големиот европски судир, а аргентинскиот тренер не пропушти да му возврати.
Атлетико Мадрид ќе ја пречека Барселона на „Ванда Метрополитано“ вечерва во 21 часот во реваншот од четвртфиналето на Лигата на шампионите. Првиот натпревар заврши со изненадувачка победа од 2-0 за мадридскиот клуб, но јасно е дека Каталонците доаѓаат по пресврт.
Пред натпреварот, Јамал се пожали на начинот на кој Атлетико се обидува да го запре, истакнувајќи дека Симеоне често користи повеќе играчи за да го неутрализира.
„Ќе видиме дали Диего Симеоне ќе ми направи услуга и ќе ме остави еден на еден со еден од неговите играчи. Искрено се надевам на тоа“, рече младиот играч на Барселона.
Секако, оваа изјава брзо стигна до тренерот на Атлетико, а неговиот одговор беше во неговиот препознатлив, остар стил.
„Ако сака да игра еден на еден, може да оди да игра тенис“, рече Симеоне.
Од Атлетико се очекува да одигра солиден и дисциплиниран втор натпревар, со акцент на одбраната, со цел да ја задржи предноста од првиот натпревар.
„Знаеме што ни треба и ќе играме на начин што ќе ни обезбеди да се пласираме понатаму. Ги познаваме нашите противници многу добро, свесни сме за нивните квалитети, но и нашата цел е јасна – да се пласираме во следната фаза“, заклучи тренерот на Реал Мадрид.
