Тренерот на Атлетико Мадрид, Диего Симеоне, изјави дека францускиот интернационалец Антоан Гризман е еден од најдобрите играчи што ги тренирал во мадридскиот клуб.
Гризман (35) ќе се пресели во Орландо на крајот од сезоната. Тој играше за Атлетико од 2014 до 2019 година, а се врати во мадридскиот клуб во 2021 година.
„Благодарен сум што имам играч кој прави разлика. Тој пристигна како крилен напаѓач и ни беа потребни три тешки месеци за да сфатам каде да го сместам. Го замислував како се движи малку поблиску до средината, на позиција што бара ментална сила. Оттогаш, тој обично ја завршува сезоната како наш најдобар стрелец. Тој е еден од најдобрите играчи што некогаш сме ги имале“, рече Симеоне, цитиран од шпанските медиуми.
Гризман одигра вкупно 489 натпревари за Атлетико и постигна 211 голови.
