Тиквеш со десетмина фудбалери успеа да остане непоразен и одигра 1-1 против актуелниот првак Вардар во последниот натпревар од петтото коло во Првата фудбалска лига.
Тиквеш поведе во 21.минута. По нафрлувањето од слободен удар, Ибрахима Фал со удар со глава ја затресе мрежата на Вардар.
Само четири минути подоцна, Тиквеш остана со фудбалер помалку, откако Лавал при еден дуел со лакот го удри Филип Најдовски. По интервенција од ВАР собата, судијата Грујоски му покажа црвен картон.
Вардар успеа да израмни во 40.минута. Одличен гол со глава постигна капитенот Азер Омерагиќ, по центаршутот на Давид Бабунски од левата страна.
По ремито, Тиквеш е на третото место во ПМФЛ, додека Вардар е на четвртото.
Standings provided by Sofascore
