УЕФА го суспендираше фудбалерот на Бенфика, Џанлука Престијани, за натпреварот против Реал Мадрид поради инцидент од првиот натпревар од плејофот на Лигата на шампионите што го имаше со Винисиус Жуниор.
Кралскиот клуб славеше со 1-0 со голот на Винисиус во првиот натпревар од плејофот на Лигата на шампионите, а Бразилецот беше еден од актерите во скандалот што следеше по голот. Имено, како што тврди Реал, Винисиус бил расистички навредуван од Аргентинецот.
Како што истакна Винисиус, како и Килијан Мбапе, 20-годишниот Престијани го навлекол дресот преку уста и неколку пати го нарекол Бразилецот на Реал „мајмун“.
Престијани напиша во официјален извештај дека го нарекол Винисиус „кретен“, а не „мајмун“, а УЕФА брзо реагираше и го суспендираше Аргентинецот за најмалку еден натпревар.
Престијани не може да игра во Лигата на шампионите додека не заврши истрагата, а доколку се докаже дека навистина го навредил на расистичка основа Винисиус, може да добие суспензија од десет натпревари.
