Капетанот на Ливерпул, Вирџил ван Дајк, се огласи по поразот на неговиот тим од Пари Сен Жермен со 2-0 во првиот натпревар од четвртфиналето на Лигата на шампионите.
„Секако дека не сум задоволен од поразот. Единственото позитивно е што имаме уште еден натпревар следната недела“, рече Ван Дајк.
„Беше тешко. Имавме неколку можности за контранапад кои можевме да ги направиме подобро. Играчите на ПСЖ постојано се движат по теренот. Треба подобро да комуницираме и да го следиме противникот. На „Енфилд“ можеме подобро да ја контролираме топката“, додаде Холанѓанецот.
Реваншот помеѓу Ливерпул и ПСЖ ќе се одржи на 14 април.
