VAR ќе има можност да интервенира во две нови ситуации на претстојното Светско првенство, потврди познатиот фудбалски инсајдер Фабрицио Романо.
Покрај сегашните овластувања, видео асистентите ќе можат да реагираат ако корнерот е неправилно досуден, како и во случаи кога, по прегледувањето на снимката, ќе се утврди дека жолт картон е неправедно доделен.
Сите други одлуки остануваат надвор од опсегот на новите овластувања на VAR и нема да бидат предмет на преглед, освен во ситуации веќе дефинирани со важечките правила.
Целта на овие промени е дополнително да се зголеми точноста на судиските одлуки и да се намали бројот на очигледни грешки за време на натпреварите од Светското првенство.
За потсетување, Светското првенство во САД, Мексико и Канада ќе трае од 11 јуни до 19 јули.
