Во рамките од 29. коло од домашното првенство, Лидерот во прволгашката конкуренција Вардар на домашен терен на Арената Тодор Проески во Скопје, успеа да слави над Тиквеш со убедливи 7:0.
Вардар по 29 кола и натаму е лидер овој пат со 71 поен додека Тиквеш остана на досегашните 40.
АП Брера и Пелистер изиграа мошне „тврд“ прволигашки меч во кој единствениот гол беше постигнат на почетокот и тоа од пенал. Подоцна се покажа дека тој беше пресуден и го диктираше текот на мечот, но битолчани успешно го бранеа својот гол и на крајот заслужено славеа.
Керим беше во продор по левата страна, а кога дојде моментот за нафрлување, топката го погоди Велкоски во раката и судијата Стојчевски веднаш покажа на белата точка. Иако беше досуден во четвртата минута, пеналот беше реализиран две минути подоцна, откако на барање на домашните фудбалери беше направена ВАР проверка. Реализатор на најстрогата казна беше Мирко Ивановски.
АП Брера останува на 8. место со 33 бода, но сега Пелистер има само еден помалку и се наоѓа на 9. место. Работнички и Македонија ЃП со 28 и 27 поени се зад нив, додека „фенерџијата“ Шкупи има само еден бод.
