Дел од фудбалерите во фудбалскиот клуб Вардар не добиле плата, по што се заканува штрајк. Според достапните информации, плата добиле само јужноамериканските играчи преку менаџерски договори.
Фудбалерите, според информациите, не сакале воопшто да излезат на дуелот со Пелистер (0:0), но тренерот Гоце Седлоски успеал да ги убеди, иако 3 месеци им се должи плата.
Јавноста бара одговори од извршниот директор на Вардар, Миленко Неделковски и каква е неговата улога во целата ситуација.
Во секој случај атмосферата во тимот е на многу ниско ниво во период кога се решава титулата во Првата македонска фудбалска лига.
