Во трагична несреќа загина 13-годишно момче, фудбалер во помладите категории на ФК Куманово. Аган Асани од селото Черкези бил удрен од автомобил на патниот правец Куманово – Скопје по стариот пат додека возел тротинет.
Веста ја сподели неговиот тренер, Исмет Зеќири на социјалните мрежи.
„Со длабока тага ја примивме веста за смртта на нашиот 13-годишен играч, Аган Асани. Неговата загуба длабоко нè погоди како клуб, оставајќи голема болка кај неговите соиграчи, тренери и целото семејство ФК Куманово. Во ова тешко време, им изразуваме најдлабоко сочувство на семејството Асани, роднините и пријателите. Споменот на Аган секогаш ќе остане во нашите срца. Нека почива во мир“, напиша Зеќири.
Фудбалската федерација на Македонија (ФФМ) се огласи по случајот.
„Со голема тага ја примивме веста за загубата на нашиот фудбалер, Аган Асани. Неговото заминување остави огромна болка кај соиграчите, тренерите и целото семејство на КФ Куманово. Изразуваме искрено сочувство до семејството Асани. Аган засекогаш ќе остане во нашите срца. Нека почива во мир“, сподели ФФМ.
