Кошаркарскиот клуб ТФТ доживеа пораз на гостувањето кај Широки со 88-69 во првиот натпревар од финалната серија во АБА-2 лигата во салата „Пецара“.
Иако имаше водство по првото полувреме од +7 (37-44) скопскиот тим почна да „паѓа“ во второто полувреме, откако прво домаќините ја завршија третата четвртина со два разлика (64-62) а во последната се случи вистински дебакл на тимот на Боро Смилковски.
Во неа, тимот од Тафталиџе постигна само 7 поени за на крајот да загуби и убедливо со 19 поени разлика.
Мекрири имаше „дабл-дабл“ од 26 поени и 10 скока за домаќините, а Трајс му помогна со 21 поен и 8 асистенции.
Кај ТФТ, Говенс реализираше 17 поени и 4 скока, додека Гордон се истакна со 14 поени и 5 скока.
Вториот натпревар ќе се игра на 29 април. Серијата ја добива тој што ќе запише две победи, а евентуална мајсторка пак би се играла во Широки на 6 мај.
