Манчестер Сити постигна исклучително важен успех со 1:0 на гостувањето кај Барнли во натпревар од 34-то коло од Премиер лигата. Со овој успех, „граѓаните“ се искачија на првата позиција во генералниот пласман, каде што го заменија претходниот лидер – Арсенал.
Двата тима имаат еднаков број бодови и гол-разлика, а момците на Пеп Гвардиола постигнаа повеќе голови.
Поразот на домаќините пак го формализираше нивното испаѓање од највисокото ниво на англискиот фудбал. Единствениот гол на натпреварот падна во 5-тата минута, кога гол постигна Ерлинг Халанд.
Гостите имаа целосна контрола и доминација во натпреварот, но така и не успеаја да постигнат втор гол, а за тоа помогна многу организираната игра на Барнли и одличните интервенции на Мартин Дубравка.
