На само 19 години, Купер Флeг успеа да направи она што многумина не успеале да го направат. Тој достигна максимум во кариерата со 51 поен.
Орландо го победи Далас со 138:127, но сè беше во знакот на Купер Флeг, кој сега речиси ја обезбеди титулата најдобар дебитант во сезоната.
Во 64 натпревари оваа сезона, тој имаше просек од 20,3 поени со 6,6 скока и 4,5 асистенции по натпревар со 46,7 проценти успешност од поле. Вакви бројки во лигата имаат забележано и Никола Јокиќ, Јанис Антетокумпо и Лука Дончиќ.
Флeг сега, на 19 години и 103 дена, стана првиот тинејџер кој постигнал 50 поени на натпревар. Покрај тоа, за само 33 минути на паркетот, тој погоди 13 од 21 шут за два, 6 од 9 за три и 7 од 7 од линијата за слободни фрлања. Тој додаде и шест скока и три асистенции.
Претходниот рекордер беше Брендон Џенингс со 20 години и 52 дена, додека Леброн Џејмс сега е трет на листата со 20 години и 80 дена, односно возраста на која постигна 50 поени.
Флeг имаше уште еден фантастичен натпревар оваа сезона кога постигна 49 поени против Шарлот Хорнетс, но Маверикс сепак беа поразени.
