Евролигата ги негираше наводите дека првиот Суперкуп од ова натпреварување е доведен во прашање поради безбедносната ситуација на Блискиот Исток.
Евролигата потврди дека планот не се менува и дека турнирот ќе се одржи на 18-19 септември во Абу Даби.
„Во позадина на неодамнешните написи објавени од неколку медиуми низ целиот континент, би сакале да разјасниме дека статусот на Суперкупот на Евролигата, закажан за 18-19 септември во Абу Даби, не се менува. Евролигата останува посветена на тоа да го понуди најдоброто на европската кошарка и да обезбеди врвно искуство за тимовите, играчите и навивачите“, се вели во соопштението на Евролигата.
Грчките медиуми претходно објавија дека првиот Суперкуп може да биде откажан или преместен поради безбедносната ситуација во регионот.
Сепак, засега нема промени во планот. Абу Даби ќе биде домаќин на шампионот на Еврокупот Дубаи, како и четири големи европски клуба – Фенербахче, Реал Мадрид и Олимпијакос, а турнирот ќе биде еден вид увертира во новата сезона на Евролигата.
Тоа ќе биде премиерното издание на Суперкупот, кое треба да ги собере најдобрите тимови и да послужи како најава за уште една возбудлива европска клупска сезона.
