Кошаркарите на Валенсија се пласираа во Фајналфорот на Евролигата, откако го победија Панатинаикос со 81:64 во решавачкиот, петти натпревар од четвртфиналната плејоф серија во Евролигата.
Валенсија направи историски подвиг – го елиминираа ПАО и покрај тоа што губеа со 0-2 по првите натпревари од серијата, и тоа на домашен терен.
Тимот предводен од Педро Мартинез со тоа стана само вториот тим во историјата на Евролигашкото натпреварување, во сегашниот формат, кој запишал три триумфи по 0-2 и се пласирал на „Фајнал Фор“.
🧡 ¡HISTORIA!
Valencia Basket Club jugará, por primera vez en su historia, la FINAL FOUR de la @EuroLeague 🥹
📅 Del 22 al 24 de mayo en Atenas pic.twitter.com/JQA5mTpCzX
— Valencia Basket Club (@valenciabasket) May 13, 2026
Реал Мадрид претходно го направи тоа во контроверзната серија со Партизан во сезоната 2022-23.
Бекот на Валенсија, Бранку Бадио, беше најзаслужен за победата на Валенсија.
Сенегалскиот интернационалец го заврши натпреварот со 20 поени – од кои 14 ги постигна во „кризната“ трета четвртина – 5 скока и по 2 асистенции, изгубени топки и украдени топки.
Исто така, се истакнаа крилниот центар Брекстон Ки – кој го играше натпреварот со заштитна маска на лицето поради скршен нос што го доби против Басконија – и плејмејкерот Џан Монтеро со по 12 поени.
ESTO ES PARA SIEMPRE 🧡 pic.twitter.com/3pRDatjtoD
— Valencia Basket Club (@valenciabasket) May 13, 2026
Крилниот центар Камерон Тејлор беше значаен – тој постигна учинок од 9 поени, 7 скока, 5 асистенции и по 2 украдени топки и изгубени топки.
Патанаикос го предводеше крилниот центар Најџел Хејс-Дејвис со 15 поени.
Крилниот центар Џеди Осман исто така постигна двоцифрен број поени со 10 поени, додека бекот Кендрик Нан го заврши натпреварот со 9 поени и 6 изгубени топки.
Ергин Атаман не можеше да смета на повредениот плејмејкер Костас Слукас на овој натпревар, како и во текот на целата серија.
Валенсија беше без крилата Хосеп Пуерто и Чави Лопез-Аростеги.
