КК Кожув го претстави своето ново засилување – 21-годишниот македонски бек Михаил Стојанов.
Михаил е висок 185 сантиметри и во изминатите сезони беше дел од ТФТ Моцарт Скопје, каде што го стекна своето искуство во македонската кошарка, но и на меѓународна сцена.
Зад себе има настапи во АБА 2 лигата, каде што се соочил со силна регионална конкуренција. Во сезоната 2025/26 имаше и одличен индивидуален настап против Златибор, кога за 23 минути постигна 13 поени, со 3/3 за два и 2/2 за три поени.
„Млад, борбен и амбициозен, Михаил пристигнува во Гевгелија со желба за нови предизвици, напредок и успеси со нашиот тим“, стои во соопштението на тимот.
