Битката за предност на домашен терен во плејофот на Западната конференција продолжува.
Лос Анџелес Лејкерс и Хјустон Рокетс победија во вечерта зад нас, откако „езерџиите“ ги победија Вориорс со 119-103, а Хјустон ја надигра Филаделфија со 113-102.
Лос Анџелес Лејкерс беа ослабени и играа без своите најдобри играчи Лука Дончиќ и Остин Ривс (двајцата повредени), додека Вориорс беа без Стеф Кари и Порзингис (а Џими Батлер ја заврши сезоната).
Доколку сезоната завршеше денес, Рокетс и Лејкерс ќе играа во првото коло од плејофот, а тимот од Лос Анџелес ќе имаше предност на домашен терен.
Лејкерс лесно ги победија Вориорс синоќа благодарение на одличната игра на Леброн Џејмс, кој забележа 26 поени, 8 скока и 11 асистенции.
Диандре Ајтон го следеше со 21 поен и 5 скока, додека Џејк Ларавија имаше 16 поени, 7 скока и 4 асистенции, Лук Кенард 14 поени и 8 асистенции, а Ник Смит и Руи Хачимура постигнаа по 12 поени.
Од друга страна, Подземски постигна 17 поени, а Нејт Вилијамс имаше исто толку со 4 скока и 3 асистенции, додека Чарлс Беси имаше дабл-дабл од 12 поени и 13 скока.
Резултати:
Торонто – Мајами 128:114
Вашингтон – Чикаго 108:119
Бруклин – Индијана 94:123
Њујорк – Бостон 112:106
Хјустон – Филаделфија 113:102
Голден Стејт – ЛА Лејкерс 103:119
