Ситуацијата во Западната конференција стана сериозна. Оклахома и Сан Антонио ги обезбедија првите две места, додека борбата за третото место е отворена и е помеѓу Денвер, ЛА Лејкерс, Хјустон и Минесота.
Тимбервулвс, сепак, се во проблеми, бидејќи Ентони Едвардс има проблеми со коленото.
Според инсајдерот Шамс Чаранија, кошаркарот ќе биде подложен на дополнителни прегледи – кои ќе го држат надвор од теренот во период од една до две недели.
Минесота веќе играше без него – и победи против Феникс со резултат од 116:104.
Едвардс играше за последен пат против актуелниот шампион Оклахома.
Минесота загуби со 116-103, а 26-годишниот кошаркар имаше прилично добар настап од 19 поени, 6 скока, 5 асистенции.
Оваа сезона, Едвардс игра на МВП ниво и има просек од 29,3 поени, 5,1 скока и 3,7 асистенции по натпревар, додека шутира речиси со 49% прецизност од поле.
