МЗТ Скопје Аеродром соопшти дека нивниот кошаркар Андреј Магдевски доживеал повреда на мечот со Тиквеш.
Магдевски при еден од пробивите кон противничкиот кош почувствува болка, падна и мораше да се пресели на клупата.
Подоцнежните снимки и лекарски прегледи покажале дека станува збор за потешка повреда на коленото, поради која го чека повеќемесечно отсуство, што значи дека ќе го пропушти останатиот дел од сезоната.
Ова е сериозен проблем за тимот, особено ако се знае дека во моментов надвор од составот поради повреди се и Војдан Стојановски и Андреј Маслинко, а уште неколку првотимци имаат поситни проблеми.
