Кошаркарската репрезентација на Македонија го продолжува својот пат кон Европското првенство кое во 2029 година ќе се игра во четири земји – Естонија, Шпанија, Словенија и Грција.
Вечерва нашиот национален тим ќе го одигра третиот натпревар од првата, групна фаза од групата „А“ од претквалификацииге за Евробаскeтот 2029 година, а за противник ја има селекцијата на Луксембург.
Селекторот Берокал се одлучи на натпреварот против репрезентацијата на Луксембург да играат: Војдан Стојановски, кој ќе биде и капитенот на тимот, Андреј Магдевски, Виктор Ташовски, Лука Стојановски, Марин Петков, Виктор Ефремовски, Валмир Какруки, Адем Мекиќ, Стојан Ѓуроски, Андреј Јакимовски, Етан Хап и Теодор Симиќ.
Досега двете репрезентации одиграле четири натпревари и сите четири нашите кошаркари ги решиле во своја корист.
Натпреварот кој се игра во салата „Градски парк“ во Скопје, почнува од 18:00 часот.
