Коди Милер-МекИнтајр остави длабок белег во Евролигата, откако стана рекордер во натпреварувањето по број на асистенции во една сезона.
Плејмејкерот на Црвена Звезда ја заврши сезоната со 289 успешни додавања кон кошот, надминувајќи го претходниот рекорд што го држеше Ник Калатес. Актуелниот играч на Партизан претходно го имаше најдобриот настап со 286 асистенции во една регуларна сезона.
На тој начин, Мекинтајр успеа да остави свој белег во историјата на елитното европско натпреварување и да ѝ донесе на Црвена Звезда барем едно големо индивидуално признание во сезона што не ги исполни сите очекувања.
Codi Miller-McIntyre surpassed Nick Calathes and set a new EuroLeague single-season assists record 👏⭐️
Read more here: https://t.co/3vaBe2fY4M pic.twitter.com/1EegGmdGIa
— BasketNews (@BasketNews_com) April 25, 2026
Сепак, треба да се има предвид дека оваа сезона во Евролигата беше специфична, бидејќи се одиграа повеќе натпревари отколку порано – секој тим одигра 38 натпревари – и затоа имаше повеќе простор за напад на таков рекорд. Сепак, ова воопшто не го намалува учинокот на плејмејкерот на „црвено-белите“.
Интересно е што Мекинтајр беше блиску до ова достигнување пред две години, додека го носеше дресот на Басконија, кога ја заврши сезоната со 284 асистенции. Овој пат, тој отиде чекор понатаму и стана најдобар во историјата на Евролигата кога е во прашање овој сегмент од играта.
