По синоќешната победа на КК Работнички над Чаир 2030 на домашен терен, со која тимот од Градски парк се приближи до обезбедување на опстанокот во МТЕЛ Супер кошаркарската Лига, шефот на стручниот штаб Владимир Мирковски, изјави дека „Работнички не е само клуб — тоа е карактер, историја и инает“.
„Да останеш со скратен ростер, да работиш во тишина кога сите други се откажуваат, и сепак да создадеш тим што никој не може лесно да го скрши — тоа не е случајност. Тоа е дисциплина. Тоа е вера. Тоа е визија.Овие момци покажаа дека името се брани со срце, не со буџет.
Ако клубот продолжи по овој пат — со стабилност, со доверба во луѓето што ја носат приказната и со оваа работничка филозофија — враќањето таму каде што му е местото не е прашање „дали“, туку „кога“, порача Мирковски.
