Никола Миротиќ би можел да се врати во Барселона ова лето и да направи еден од најзначајните трансфери во европската кошарка. Според шпанскиот „Мундо Депортиво“, челниците на каталонскиот клуб веќе контактирале со искусниот крилен центар и ја истражуваат можноста за негово враќање во „Блауграна“.
Барселона поминува низ многу турбулентен период. Клубот е во процес на големи промени, како во менаџментот, така и во тренерскиот персонал. Хуан Карлос Наваро е пред заминување, додека Чави Пасквал го напушти клубот. Тренерот на Басконија, Паоло Галбиати, се споменува како негов наследник.
Миротиќ е еден од најбараните слободни агенти на пазарот. Откако го напушти Монако, тој беше поврзуван со неколку клубови од Евролигата, вклучувајќи ја и Валенсија. Сепак, евентуалното враќање во Барселона би бил еден од најголемите трансфери ова лето во европската кошарка.
Покрај промените на клупата, Барселона целосно го менува и играчкиот кадар. Се очекува Џош Нибо, Оливие Нкамува, Мозес Рајт, Умоја Гибсон и Џастин Робинсон да се приклучат на тимот.
Кевин Пантер, Хуан Нуњез, Дарио Бризуела, Џоел Пара и Торнике Шенгелија остануваат во тимот, кои треба да бидат главните столбови на играта следната сезона.
Од друга страна, Вил Клајбурн, Николас Лапровитола, Јусуф Фол, Томаш Саторански, Вили Ернангомез, Мајлс Норис, Мајлс Кејл и Хуан Маркос го напуштија или наскоро ќе го напуштат клубот, додека Јан Весели ја заврши својата играчка кариера.
Барселона не успеа да направи неколку важни трансфери ова лето. Силвен Франциско го избра Асвел, Жан Монтеро се пресели во Олимпијакос, додека договорот за Мајк Џејмс пропадна.
