Кошаркарот на Панатинаикос, Кендрик Нан, се врати на теренот – и веќе нагласи дека има големи очекувања од работата со тренерот Жељко Обрадовиќ.
Американецот заработи повреда на коленото кон крајот на август и не играше до оваа недела.
Во победата над Перистери, тој помина речиси 21 минута на теренот, а за тоа време постигна 18 поени, со три скока и шест асистенции.
„Пред се, би сакал да му се заблагодарам на Исус Христос што се вратив. Се чувствувам одлично. Драго ми е што повторно играм. Се обидувам да внесам позитивна енергија. Да продолжиме понатаму. Ова беше добра победа. Сите ме пречекаа назад. Добро сум“, изјави Нан.
Тој конкретно ја спомена работата со Жељко Обрадовиќ.
„Тој е одличен тренер, сите го знаеме тоа. Тој е победник и има големо знаење. Ќе ни помогне со толку многу квалитетни играчи. Едвај чекаме да тргнеме на ова патување со него. Веруваме во процесот. Ни треба малку повеќе хемија. Некои од нас се вратија, а други штотуку почнуваат да се појавуваат. Хемијата е клучна“, порача Американецот.
На прашањето дали соработката со српскиот тренер ќе му помогне да ја одигра својата најдобра игра, тој рече:
„Апсолутно. Како што реков, тој е одличен тренер. Тој знае како да освојува титули. Тој знае како да игра кошарка што води до освојување трофеи, а тоа е стилот на игра што го сакам. Се чувствувам добро со него. Подготвен сум“.
Welcome back @nunnbetter_ ☘️
#WeTheGreens #paobcaktor #FeelEveryMoment #StoiximanGBL https://t.co/zSpVhGdn1k
— Panathinaikos BC (@Paobcgr) October 18, 2026
