Судирите во Лигата на шампионите продолжуваат со дуел помеѓу два од најатрактивните тима во моментов – Пари Сен Жермен и Барселона. Во вторник вечер (21:00 часот) тие ќе се соочат еден со друг на „Паркот на принцовите“ во натпревар од третото коло од главната фаза.
Натпреварот е особено посебен за тренерот на парижаните, Луис Енрике, поради неговата историја на „Камп Ноу“.
„Фокусиран сум на реалноста. Член сум на Барса. Бев играч и тренер на клубот шест години – три во првиот тим и три во вториот. Мојата сопруга и децата се Каталонци. Имам многу силна врска со Барселона. Но, јас сум навивач на ПСЖ.
Секој натпревар на Барселона го гледам како навивач, а не како тренер. Случајно, секоја година се соочуваме со Барса. На почетокот ми беше тешко да го прифатам тоа. Сега сум навикнат да играм против одличен, уникатен тим, кој има многу квалитетни играчи, не посегнува по грубост и има вредности што ги сакам. Според мене, ова е еден од тимовите што е најблиску до сегашниот ПСЖ.
По сè што кажав досега, навистина би сакал да победиме утре. За мене, тоа е дополнителна мотивација да се соочам со клубот каде што се чувствував најважен. Како парижанец, се надевам дека ќе победиме утре“, истакна тој.
Вели дека се подготвуваат за овие натпревари на ист начин.
„Лигата на шампионите е највисокото ниво што можете да го достигнете. Секој натпревар е различен. Во овој случај, сакам да ја гледам Барселона – не само како тренер на противникот, туку и како навивач на клубот. Одлично е да се види амбицијата што ја покажуваат. Тие се блиску до она кон што се стремиме.
Утрешниот натпревар ќе биде неизвесен затоа што Барселона има одлични играчи. Ова е исклучително силен тим. Се фокусираме на работите што можеме да ги контролираме. Утре мора да ги надминеме сите тешкотии како тим.
Секако, ќе има играчи кои можат индивидуално да го решат натпреварот. Нашата цел е да го наметнеме нивото што го покажуваме на вакви натпревари“, истакна тренерот на Парижаните.
 тие ќе се соочат еден со друг на „Паркот на принцовите“ во натпревар од третото коло од главната фаза){kind=link}