КК Пелистер соопшти дека се засилува со американскиот кошаркар Рузвелт Вилер, кој минатата сезона го носеше дресот на швајцарските клубови Женева и Масањо.
Се работи за 23-годишен центар, висок 211 сантиметри, доминантен со својата појава и квалитет. Започна да напредува на колеџот Луизвил, па се пресели во Ист Тенеси.
Покрај искуството во Швајцарија, Рузвелт има титула и во шампионатот на Чиле со екипата на Кулпе.
По неговото доаѓање во Битола ќе се приклучи кон екипата и веднаш ќе му се стави на располагање на тренерот Тане Спасев.
