Американскиот кошаркар Мајк Џејмс е пред заминување од Монако на крајот од сезоната.
Искусниот бек (35) би можел да се пресели во Барселона, пишува новинар од „Мундо Депортива“.
Се вели дека Џејмс е главна цел на „блауграна“, дека преговорите се започнати и дека може да се постигне договор во наредните недели.
„Нема да има нови потписи, ќе се справиме со она што го имаме. Вака стојат работите денес и ние се држиме до тоа. Отсега натаму, повеќе нема да зборувам за тоа“, рече тренерот на Барселона, Чави Пасквал.
Сепак, засилувањата сигурно ќе пристигнат во лето, а нова соработка меѓу Џејмс и Пасквал не е невозможна.
Двајцата веќе соработуваа, во Панатинаикос, во сезоната 2016/17.
Џејмс е член на Монако од 2021 година, а во 2024 година беше и МВП на Евролигата.
