Шај Гилџус-Александер од Оклахома Сити ја освои својата втора последователна награда за МВП на НБА, објави денес ESPN, повикувајќи се на извори блиски до лигата.
Официјална потврда се очекува подоцна вечерва, кога НБА ќе го објави добитникот на наградата за најкорисен играч.
Покрај Гилџус-Александер, Виктор Вембањама од Сан Антонио и српскиот центар од Денвер, Никола Јокиќ, исто така беа во конкуренција за наградата МВП.
Канаѓанецот имаше просек од 31,1 поен, 6,6 асистенции и 4,3 скока по натпревар во 68 натпревари одиграни за актуелните шампиони на НБА оваа сезона.
Гилџус-Александер со тоа стана само 14-тиот играч во историјата на НБА што ја освоил наградата за најкорисен две години по ред.
