„Се боревме до самиот крај и го оставивме срцето на теренот. Во одредени моменти ни недостасуваше и малку среќа, а некои наши грешки и изгубени топки беа казнети со лесни поени за МЗТ“, изјави тренерот на Маџари, Миодраг Тодоровиќ по синоќешниот пораз од актуелниот шампион со 84:77 во првиот натпревар од финалната серија на МТЕЛ Супер Лигата.
Тој вели дека едно нешто никој не може да им го одземе – желбата, карактерот и борбата што ја покажале на гостински терен.
„Ова не е крај. Во среда излегуваме уште посилни, помотивирани и подготвени да го дадеме максимумот за следниот натпревар.
Откажување нема. Предавање нема. Ќе се бориме до последната секунда!“ , додаде тој.
