Валенсија продолжува да прави конкретни потези во сезоната која досега ги надмина очекувањата во Евролигата.
Клубот веќе обезбеди континуитет со продолжување на соработката со тренерот Педро Мартинез, како и со важни играчи во ротацијата како што е Нејт Риверс, а сега има и нова добра вест – Омари Мур ќе остане во тимот.
Според „Енсестандо“, американскиот бек постигнал договор со клубот и ќе го продолжи договорот за уште една сезона, откако се покажа многу добро во својата дебитантска година во Евролигата.
Мур има просек од девет поени, со 2,5 скока и 3,1 асистенции по натпревар.
Сепак, не е сè толку мирно во редовите на шпанскиот клуб. Главната грижа на раководството во моментов е статусот на најдобриот играч на тимот, Жан Монтеро.
Младиот плејмејкер има клаузула во својот договор вредна околу еден милион евра, која е достапна за бројни заинтересирани клубови.
Токму затоа Валенсија работи на нов договор за да го задржи – со подобри финансиски услови и значително повисока откупна цена.
