Искусниот чешки центар Јан Весели е пред разделба со Барселона, бидејќи му истекува договорот со каталонскиот гигант и според сите информации нема индикации дека соработката ќе биде продолжена.
Шпанските медиуми веќе го селат од Каталонија, а сè повеќе се споменува Олимпија Милано како следна дестинација, клуб кој би можел да биде најконкретен во трката за потпис на 36-годишниот центар од Острава.
Според „Енцестандо“, токму италијанскиот клуб е најзаинтересиран да го доведе, иако се очекува официјалните преговори да започнат во наредните денови.
Весели, кој е висок 210 сантиметри, остави сериозен белег во Барселона.
Заминувањето на Весели би оставило значителна празнина во одбраната на тимот, но сè уште не е познато кој би можел да го замени на таа позиција. Наместо тоа, шпанските медиуми веќе шпекулираат за можни засилувања на други позиции.
Едно име високо на листата на желби на каталонскиот клуб е дефанзивецот Нихил Вајлер-Баб, поранешен играч на Баерн кој минатата сезона ја помина во Анадолу Ефес.
