Сезоната на Голден Стејт Вориорс станува сè потешка, а тешкиот домашен пораз од Сан Антонио Спарс уште еднаш покажа колку е комплицирана оваа натпреварувачка година за тимот од Сан Франциско.
Иако има најави дека Стеф Кари наскоро би можел да се врати на теренот, повредите и големата недоследност ја одбележаа сезоната на Вориорс. Во меѓувреме, се појавија нови информации за потезите што Голден Стејт се обидуваше да ги направи за да го зајакне тимот, вклучително и потенцијална размена за Каваи Ленард од Лос Анџелес Клиперс.
Според новинарот Тим Каваками, Вориорс биле многу блиску до договор со Клиперс минатиот февруари во врска со размена на Ленард, и повеќето детали наводно биле договорени, пред Клиперс да ги напуштат преговорите во последен момент.
Сепак, приказната не завршува тука. Името на Ленард продолжува да се поврзува со можен трансфер во Голден Стејт, или преку нови преговори за размена или преку сценарио, за кое се почесто се зборува во НБА – дека неговиот договор со Клиперс би можел да биде поништен поради истрагата на лигата.
Имено, НБА моментално ги истражува Клиперси поради сомнение дека се обиделе да ги заобиколат правилата за ограничувањето на платите со наводно насочување милиони долари кон Ленард преку компанија која оттогаш банкротирала. Исходот од таа истрага би можел да има огромни последици и потенцијално да ја отвори вратата за Вориорс повторно да се насочат кон Ленард.
Потребата на Голден Стејт за уште една голема ѕвезда расте, особено откако Џими Батлер ја заврши сезоната со сериозна повреда, имено скинат преден вкрстен лигамент на коленото. Во таква ситуација, јасно е зошто Вориорс бараат начин да доведат уште една суперѕвезда која би им помогнала на Кари и тимот да се вратат во борбата за самиот врв на НБА лигата.
