Почнувајќи од денес, заинтересираните европски клубови – основани или планирани да бидат основани – имаат само 15 дена формално да аплицираат за првата сезона на НБА Европа.
Во статија посветена на проширувањето на НБА лигата во Лас Вегас и Сиетл, авторот Шамс Чаранија остави една информација на крајот што очигледно нема големо значење за американската публика, но за нас тука… има!
„Покрај тоа, лигата работи и на проект за лансирање на НБА натпреварување во Европа, а рокот за конечни понуди од потенцијални тимови е 31 март, според изворите“, објави водечкиот НБА „инсајдер“ од ESPN.
Одамна е познато дека НБА Европа треба да започне во сезоната 2027/28, дека ќе има 12 „лиценцирани“ клубови основачи, додека четири позиции ќе бидат отворени за други клубови и дека пласманот најверојатно ќе биде можен само преку Лигата на шампионите на ФИБА.
Очигледно, наскоро ќе знаеме кој се идентификувал во овој проект и дали меѓу клубовите има актуелни евролигаши.
