Сезоната во Евролигата заврши и сега сликата пред плејофот е комплетна – познати се сите учесници во плеј-ин и плеј-оф, како и конечниот пласман.
Црвена звезда успеа да ја обезбеди последната позиција што води кон плеј-офот и ја заврши сезоната на десеттото место со резултат од 21-17. Ова значи дека црвено-белите ќе патуваат во Барселона за да се обидат да ја продолжат борбата за четвртфиналето.
Во вториот плеј-ин натпревар ќе се сретнат Панатинаикос и Монако, кои ќе играат во Атина.
Кога станува збор за директните учесници во плејофот, првите шест места ги зазедоа Олимпијакос (26-12), Валенсија (25-13), Реал Мадрид (24-14), Фенербахче (24-14), Хапоел (23-15) и Жалгирис (23-15), со што обезбедија сигурно место во четвртфиналето.
На средината од табелата се водеше голема борба, па Дубаи ја заврши сезоната на 11-то место, една победа помалку од Барселона, која обезбеди плеј-ин. Зад нив се Макаби Тел Авив, додека Баерн Минхен и Олимпија Милано го завршија натпреварувањето со по 17 победи.
Дното на табелата го затвораат Партизан и Париз, кои се лизнаа на 16-то место по поразот од Жалгирис, додека Виртус Болоња, Басконија и Анадолу Ефес останаа зад нив. На последното место се најде Асвел, кој не успеа да парира на својата конкуренција во текот на сезоната.
