Шпанскиот тенисер Карлос Алкараз ја освои престижната награда „Лауреус“ за „Спортист на годината“ за 2025 година.
Свечената церемонија за прогласување на победникот се одржи вечерва во Мадрид. Алкараз станува само четвртиот тенисер во историјата што ја добил оваа награда, по Новак Ѓоковиќ, Роџер Федерер и Рафаел Надал.
Your 2026 Laureus World Sportsman of The Year 👏@LaureusSport | #Laureus26 pic.twitter.com/rbf2UxTEdc
— ATP Tour (@atptour) April 20, 2026
Покрај Алкараз, во потесниот избор за „Светски спортист на годината“ за 2025 година се наоѓаа шведскиот атлетичар Арманд Дуплантис, италијанскиот тенисер Јаник Синер, словенечкиот велосипедист Тадеј Погачар, фудбалерот на Пари Сен Жермен и француски репрезентативец Усман Дебеле и светскиот шампион во Мото ГП, Марк Маркез од Шпанија.
Lamine Yamal wins the Laureus World Young Sportsperson of the Year Award 😎
Another trophy for the 18 year old. pic.twitter.com/qNKIa9yhMI
— B/R Football (@brfootball) April 20, 2026
Фудбалерот на Барселона, Ламине Jамал, беше прогласен за „Најдобар млад спортист“. Наградата за „Враќање на годината“ му припадна на британскиот голфер Рори Мекилрој. Меѓу номинираните за наградата за „Враќање на годината“ беа американската тенисерка Аманда Анисимова, колумбискиот велосипедист Еган Бернал, британската велосипедистка Симон Јејтс, јамајканската атлетичарка Хулимар Рохас и англиската фудбалерка Лија Вилијамсон.
Наградата „Лауреус“ за „Тим на годината“ му припадна на Пари-Сен Жермен. Другите номинирани за наградата за тим на годината беа женската фудбалска репрезентација на Англија, женската крикет репрезентација на Индија, тимот на Формула 1 Мекларен, кошаркарскиот тим на Оклахома Сити и европскиот голф тим.
Специјална награда за „Инспирација во спортот“ му припадна на поранешниот германски фудбалер Тони Крос. Наградата „Спорт за добро“ ја освои невладината организација за развој на спортот „Футбол Мас“ од Чиле.
Еден од домаќините на церемонијата беше најдобриот српски тенисер Новак Ѓоковиќ, кој пет пати во својата кариера ја освои наградата „Лауреус“ за „Најдобар спортист во светот“.
